එයයි ප්‍රේමය

සලම තැන්වල නිසල මොහොතක
හදට රහසින් එබෙනු හැකිනම්

රැයෙහි අවසන නෙත් පියෙන්නට පෙර
සිතෙහි අවදිව  රැදෙනු හැකිනම්

දෙතොල් නොව එක් වරක් වත්
නුඹේ සිත මට සිඹිනු හැකිනම්

අනේ ... බලා හිදුමක තැවෙන ළතවුල
ඉතිං නුඹටත් දැනෙනවා නම්

.........එයයි ප්‍රේමය ..........
       නුඹෙන් අයදින    

Siithu

සුනංගුයි මයෙ අයියේ

සුනංගුයි මයෙ අයියේ

කන්නයෙන් කන්නෙට
පැල් කොටෙ පිළිතුරු බැදන්
කවි කිවේ මං
මකන්නටමත් නෙවේයි නුඹෙ පාලු

හිතාගෙනමයි උන්නෙ
ඇලවෙන්න නුඹ එක්ක
එක පැල් කොටේ
එන කන්නෙ

වැටකඩොලු යා කරන්
කාලයක් පුරන් උණ
මේ හේන මම හිතුවෙ
වපුරන්න නුඹ එක්ක

කලු කරන් අහස් කුස
වැහි ලිහිණි හැඩලුවත්
සුනංගුයි මයේ අයියේ
මේ ඉඩෝරෙට වැහි බිංදු

පනස් වසරකට පසු - යලිත් තුන්මං හන්දියේ

ඉදින් බෝ කාලෙකින් - ආයෙමත් නුඹ මෙතන 

සැදෑ කළ අඩ අඳුරේ - යන්තමට පෙනෙන ඇස්

පිස දමා යලිත් මම - බලමි මේ නුඹ නේද ?

කෝ... තාම ඒ සිනහා - ලොබු කටේ එහෙමමද...

අහන්නට ගොඩක් දේ - පොරකද්දී හිත අස්සේ

ඇත්තමයි මට හිතුනා - තව එක වරක් ඇලවෙන්න නුඹේ උරේ

ඒ අතරෙමයි නුඹ කිවේ - ''ගිහින් එන්නම්'' කියලා

ඉතින් මේ හැන්දෑ සමේ - කල් ඇතිද යලි හමු වන්න

සිහින් වෙව්ලුම් දෙන - දෑත අල්ලා වරක් ඇවිදින්න

කල් ඇතොත් හමුවන්න - මේ හන්දියෙන් බොහෝ දුර 

ඒ නැතත් ''රණේ '' - නුඹ ඉස්සර උනොතින් කලින් මට

හිමිකම් කියමින් වැලපෙනා අය අතර - එන්නම් සමුදෙන්න

(අයිතියක් නොකියාම)

කොහොම තහනම් වුනිද

ගොම්මනේ සීතලට

තරු පොකුරු දගලද්දී

හරි ආදරෙන් තවරාවී

සඳ පැහැය බිඳෙන් බිඳ

අයිතියක් නොකියම

සුළං රැළිවිත්  රැදෙයි

රොන් සුවද අරන් මල්

ඉගිල යයි  යලි එන්න.

මේ රසය නිති විඳින

කවිකාර ලෝකයක

කොහොම තහනම් වුනිද

නුඹ ගාව මට ඉන්න....

දේවදාසියෝ

දෙවියන්ගේ බිරිද වීම ගැහැණුන් තුළ ඇති ආකල්පය හින්දු හා කි‍්‍රස්තියා යන ආගම් දෙකෙහිම දක්නා ලැබේ.භගවත් පුරාණයෙහි සදහන් වන අන්දමට එඩේර සැමියන් ගේ බිරිදන් පිරිසක් ඔවුන් හැර දමා කි‍්‍රෂ්ණ දෙවියන්ගේ උණුහුම ලැබිමට ගොස් ඇත. දෙමළ සාන්තුනරියක් වන අන්දාල් තමා භලවාන් දෙවියා සමග විවාහ වී ඇතැයි විශ්වාස කළාය. දෙවියන් සරණ යන්නා සේම දෙවියන් සමග සරණ ගිය දේව දාසියන් නැමති කාන්තාවෝ ඈත අතීතයේ සිටම භාරතයේ ජීවත් උණාය.  දේවාල ඇතුළේ මෙන්ම වේදිකාවල ද දේවදාසීන් දක්නට ලැබේ . ක‍්‍රම ක‍්‍රමයෙන් දේව දාසියන් පූසාරියන්ගේ සහ රජුන්ගේ මනදොල පිරවු නම්බුකාර වෛශ්‍යාවන් පිරිසක් වුහ . අද  ඔවුන් ඉතාම සුළු මුදලකට ඔිනෑම කෙනෙකුගේ කාමාශාව සපයන්නන් පිරිසක් විය.


දේවදාසි ආරක්ෂා පනත 1934  සම්මත වුවද දේවදාසි සම්ප‍්‍රදාය සම්පූර්ණයෙන් බිද දැමීමට භාරත රජය සමත් වී නැත. භාරතය තුළ මෙවුන්ගෙන් කලාවට සිදු වූ මෙහෙය අති වීශාලය අද ද දක්ෂ සංගීතකාරීන් හා නළගනන් මොවුන් අතරින් බිහි වූවවන්ය

ඇගපත වැහිරුණු කළ බෙහෝ දේවවසෙීන් ගේ ඉරණම හිගමනය දේවදාසීන් පිළීබද ආගමික චාරිත්ත‍්‍රයේ සූලමුල සොයා බැපීමේ දී ඉපැරණි සුමේරියාවේ සෑම දෙවොලකයට වෙන්කරන ලද කාන්තාවන් පිරිසක් වියඒවායේ මෙහෙවරකම් කිරිම ද එසේත් නැතහොක් දෙවියන්ගේ මනු ලොව නියෝජිතයන් ගේ හොර අඹුවන් ලෙස ද ජිවත් විය

බොහෝ ආදිකාලීන ශිෂ්ඨාචාර වල කාන්තාවන් දෙවියන්ට පිදීමේ චාරිත‍්‍රයක් දක්නට ලැබිනි .ආර්යන්ගේ පුරාණ ග‍්‍රන්තයන්හි ද පූජනීය වෙසගනන් සම්බන්දව විස්තර වේ දේව දාසියන් බවට නිල වශයෙන් පත් කෙරෙනුයේ විවිත‍්‍ර චාරිත‍්‍ර පැවැත්විමෙන් පසුවය.

අවුරුදු හතරක නැටුම් පුහුනුවකින්පසු කළඑළි මගුළ රජු ඉදරි පිට පැවැත්වේඑහිදි ඇයට තාලෙයි කෝලෙයි නමින් උපාධියක් පිරිනැමුනේය. කාලග ගෙවීයාමත් සමග දේවදාසී චාරිත‍්‍රය කෙරෙහි රජ්ගේ අනුග‍්‍රහය ගිලිහිය ඔවුන්ගේ විශේෂ නැටුම් ක‍්‍රමයද අභාවයට ගියේය

අවැසියි මට
උබේ නමින් මෙතෙක් කල්
පාලුවට ගිය මැදුර
එළි පෙහෙලි කර යලිත්
පෙර සුවද ගල්වන්න

ඒකමයි මේ තරම්
ෆිල්ටරෙත් ගිනි තියන්
හැම නහරයක් තුළම
හෙයන්නේ මම උඹව

කලතවා එ් මතක
ඇද දමමි එළියටම
දුම්රොටුත් සමගින්ම
නැතිවෙලා විසිරිලා
යන ලෙසට

පිටවෙයන් දැන් ඉතින්
පෙර මතක නොතබාම

නොමැති නම්

අළු කරමි මුළු මැදුර
දැවි දැවී
යලි යලිත්
උඹේ නමින්
මියදෙන්න

දෙයියන්ගෙ දරුවෝ

දෙයියෝ දුන් හාද්දට
රත් වුණා කම්මුලම
තුන් මස
පිරෙන විට
දරු ගැබට
මෝරපන් රහසේ
නොපෙනෙන්ට 
මරියා
නොවුණු පාපෙට
පහන් තරු නැති රැක
ස්වර්ගය හිමිය
උපතටත් පෙර
දරු ගැබට

වරහනෙන් එහා .....

පනත් නැති හදවතක 

කෙටුම්පත් කළ පෙමක්

තිත් කොමා ගිලිහෙච්ච 

එකම එක හැගිමක් 

ගොළු වෙච්ච සිත්තමක 

කවිකාර කතාවක්

නොකියාම තිත් පෙළක 

හැරයාම විශ්මයක් 

.............................

වරහනෙන් එහා 

මගෙම වූ ලෝකයක්

!!!!!!!!!!!!!!!!!!!!!!!

ප්‍රේමයයි නොකියන්....

හැගීමක් නම් හිත තුලම ලෙන්ගතු
කතාවක් නම් නෙත් තුලම දොඩමළු
ප්‍රේමයයි නොකියන්..

මළ හිරුත් හැරගිය දම් පැහැය ගත්
කදුලටම ලෙන්ගතු
ප්‍රේමයයි නොකියන් ....

යලිත් කිසිදින හමුනොවන නෙත්
තුලම රදවා රකිනු රහසින්
මියෙන මොහොතෙත්
නෙත් පියන් තුළ
තබා සුරැකිව රැගෙන යනු මැන

නුඹත් මමවත් තවත් නොහදුනන
එය
ප්‍රේමයයි නොකියන්....

වැරදි ඇමතුම

වැරදි නම්බරයක් වුනත්
මං හිතුවෙ හරිම ඇමතුම කියලා
කවුරුත්ම නැති හිතට
එබි එබී නුඹ කීවෙ
දකින්නත් ආසයි කියලා 
ඒකමයි මං නෙළුම්පොකුණෙන් බැස්සේ

එකම පාරක වුනත්
අපි ඇවිද්දෙ හරි දුරින්
හීනියට වැටුණු හිරිවැස්සේ
මං හෙව්වේ උඹේ අඩි විතරමයි
පාදපරිචාරිකාව වෙන්නමයි
හිතුවෙ මං
දිගම දිග සායෙ මඩ ඉහුණු වගක්
දැනුනෙ නෑ ඒ හින්දාම

අහන්නට උන්න හැමදේම
ඔය දෙතොල් අස්සෙ හිරවෙද්දි
මං හෙව්වේ උඹේ ඇස්
දැකගන්න ආදරේ
මට බැරි වුනෙත් ඒකමයි

අන්තිමේදි නුඹ කීවේ
ඔයා යන්න මං එන්නම් කියලා
පාර දිගටම හැරි හැරී
උඹේ රූපය හොයද්දියි
දැක්කෙ නෙළුම්පොකුණ
සුවද නැති මල්
පරවෙලා පාර දිගටම
හංසයොත් තරහින්
බිම බලා ගෙන

ආයෙමත් වැරදි ඇමතුම
නුඹ ඇහුවෙ
පාර හරියට හොයා ගත්තද කියලා
කොහොමද මං කියන්නෙ
වැරදුණු තැන් බොහෝමයි කියලා

ලෙන්ගතුම අවසන

නොදොඩාම ඇද හැලෙන
හිරිකිතම වැස්සක වුව
ඇත්තේම දුක්බරම කෙදිරිල්ලකි
කිසිවෙකුට නෑසෙන


හැපි හැපී පොරබදන
සයුරු රළ අස්සේ
ඇත්තේම ළතැවුලකි
ගැඹුරුම තැනක සැගවුණ

දොඩමලූම තැන්වල
නිහඩවම විදගන්න
කදුලක
ඇත්තේම
රිදෙන බව දැන දැනම
සිපගන්න
ලෙන්ගතුම අවසනකි
මා හොදින් දැන සිටිය

තහනම්ය

විකල් අහසක් යට

විසල් ප්‍රේමයට

හිමි දඩුවමමියදීම....

ගැහෙන්නට දගලන හදවත

නැවතියන් දැන්ම තහනම්ය 

මේ හුස්ම 

ඒ සුසුම්

තැවරිච්ච...

සුපෙම්වත් සඳ
නුඹ වටා දිදුළන
සඳ රැහැන් වනු
අවැසි නැත

සොමි සිසිල මත
තුරුලුව හිඳින
කුමුද්දක් වනු
අවැසි නැත
සඳ රැහැන් එළි තරු නිවෙද්දී.....
කුමුදු සුවදින් සිත තැවෙද්දී.....
ඉදින් සඳවත
නුඹ වැළඳ ගමි
පාළු අහසක
තනිය නොම දෙමි
ගනඳුරයි මා.....
සඳට පෙම් බැදි

රූබරම නෙතු දිලෙන
ගත දැවටි
කොළ පැහැති සලු පොටින
නීල දිගු
නෙත් අඳන කෙහෙ රොදින...
සරන ඈ
කන්‍යාවකී
පෙර දිනක
ඈ උකුල් තළයේ
වැතිර සුව පහසේ
ඈ සේද සලු ඉරා
නිවාලන විට පහස
ඈ සිටියෙ හරි ආදරෙන්
නුඹ ගැනම
හංගාන කඳුලු කැට
උහුලන්න බැරි තැනම
හැඩුවාට අද මෙහෙම

ප්‍රේමය නම්

අවැසි නම්,
ප්‍රේමයක්ස
දාකාලික
සුවඳ තවරණ..
යා යුතුය
තනි මඟක
පියමැන
එහි....
හිමිත් අහිමිත්හ
මුවනා තැන
හුදකලාවේ
පටු වූ
මංපෙත
කෙලවරේ
එක් අඳුරු කුටියකි
විදුම් රිදවුම් තැවුල්
පිසලන බලාහිදුමකි.......
බවුන් වඩනා
සදාකාලික
ප්‍රේමයේ සුවදෙන